«Білім мазмұнын жаңарту жағдайында креативті педагогтың зерттеушілік мәдениетін дамыту»
Reposted from @khromtau_gimnaziya6 «Ақтөбе - Өрлеу» педагогикалық қызметкерлердің біліктілігін арттыру институтының ұйымдастыруымен «Білім мазмұнын жаңарту жағдайында креативті педагогтың зерттеушілік мәдениетін дамыту» тақырыбында кафедралар күніне арналған облыстық вебинар өткізілді. Вебинар педагогтардың шығармашылық – ізденушілік қажеттілігін өтеудің маңыздылығын қозғады. Мұғалімдердің зерттеушілік қызметі - кафедра жұмысының басты әрекеті болып табылады. №6 Хромтау гимназиясы осы оқу жылында институтпен бірлесе отырып, осы бағытта эксперимент жұмысын бастаған болатын. Эксперименттік алаң модераторы ретінде Ешкеева А.Т. бүгінгі вебинарда гимназия тәжірибесімен бөлісті. Жалпы педагогтар үшін құнды ақпараттар мен мазмұнды вебинар өткізген институт басшылығы мен ұжымына алғыс айта отырып, облыс педагогтарының игілігі үшін жасайтын қызметтеріңізге сәттілік тілейміз. №6 Хромтау гимназиясы сіздермен бірлесе жұмыс жасауға әрқашан дайын.
инстаграм