Құрметті ата-аналар!

«Орта білім беру ұйымдары үшін міндетті мектеп формасына қойылатын талаптарды бекіту туралы» Қазақстан Республикасы Білім және ғылым министрінің 2016 жылғы 14 қаңтардағы №26 енгізілген өзгерісі /ҚР Білім және ғылым министрінің 13.07.2020 № 296 /бұйрығына сәйкес, №6 Хромтау гимназиясында міндетті мектеп формасына қойылатын келесі талаптар:
• Мектеп формасының түсі қою көк.
• Мектеп формасының стилі классикалық стильде сақталады.

Ұлдардың мектеп формасы:
пиджак,жилет, шалбар, мерекелік жейде, күнделікті жейде( қысқы мезгілде: трикотаж жилет, водолазка). Ұлдарға арналған шалбарлар еркін тігілген және ұзындығы бойынша тобықты жауып тұрады. Ұсынылатын минимум: жейде, кеудеше және шалбар.

Қыздардың мектеп формасы:
Пиджак,жилет, юбка,шалбар, классикалық жейде( қысқы уақытта: трикотаж жилет, сарафан, водолазка). Қыздарға арналған юбкасының ұзындығы тізеден 5 сантиметрден аспайды.
• Мектеп формасына түрлі діни конфессияларға қатысты киім элементтерін қосуға болмайды.
• Мектеп формасына қойылатын талаптар бойынша жарақаттайтын фурнитурасы бар киім мен аксессуарлар киюге тыйым салынады.
• Мектеп формасының матасы ретінде қасиеттері жақсартылған жартылай жүн және мақта, киіске төзімді, антибактериалдық, антимикробтық және антистатикалық қасиеттері бар маталар қолданылады.