Елбасы Жолдауын талқылау
Қыркүйек айының алғашқы күні еліміздегі ең басты жаңалық - Президентіміз, Қасым-Жомарт Кемелұлы Тоқаевтың «Халық бірлігі және жүйелі реформалар – ел өркендеуінің берік негізі» атты Жолдауы жарияланды. №6 Хромтау гимназиясы ұжымы Мемлекет басшысы Қасым-Жомарт Тоқаевтың Қазақстан халқына арнаған Жолдауын талқылап, пікірлерімен бөлісті.
Жеті тарау,5-бастамадан тұратын жолдаудың әр тарауы еліміздің ең маңызды мәселелерін қозғады. Жолдауда халықтың әлеуметтік жағдайын көтеруге бағытталған көптеген жобалар нақтыланды. мысалы: Зейнетақы жинағының бір бөлігін баспана алуға жұмсай алу мүмкіндігі, ең төменгі жалақы 60 мың теңгеге дейін көтерілетіні, 800 мектептің орнына 1000 мектеп салынатындағы айтылды. Білім саласына қатысты " САПАЛЫ БІЛІМ БЕРУДІ" қамтамасыз етуге бағытталған тарауда қашықтан оқыту кезіндегі кездескен қиындықтар мен қателіктерді ашып айта отырып, білім саласы қызметкерлерінің жасаған еңбегін атап өтті. Дәстүрлі оқуға көшудің маңызын, қажеттілігін түсіндірді. Президентіміз әрқашан педагогтар қауымының әлеуметтік жағдайын, қоғамдағы орнын басты назарда ұстап келеді, осы жолы да мұғалім жалақысын арттыру туралы тоқталып өтті. Гимназия директоры Гүлмараш Орынбасарқызы мұғалім ретінде оқушыларға сапалы білім беру мен тәрбие берудегі жауапкершілікті мұғалім бойындағы ең басты қасиет екендігін айтып, ұлт сапасын арттыруда жан-жақты талдап, дамудың стратегиясын көрсеткен осы Жолдауын қолдай отырып ,оны іске асыру үшін ұстаздарды барлық білімдері мен тәжірибелерін жұмылдыруға шақырды.
