Жас ұрпақты қылмыстық әрекетке жол бермейтін қағидаларға тәрбиелеу заман талабы
Жас ұрпақты қылмыстық әрекетке жол бермейтін қағидаларға тәрбиелеу заман талабы. Ағымдағы жылдың 8 қыркүйек күні Хромтау ауданы ПБ жергілікті полиция қызметі бөлімшесінің бастығы полиция майоры Сагынтаев Әсет Молдағазыұлы және Хромтау ауданының ТЖБ бас маманы Оразалин Әділет №6 Хромтау гимназиясының жоғары сынып білім алушыларымен кездесті.
Әсет Молдағазыұлы ең алдымен республика көлемінде жүргізілген «Назар аударыңыз, балалар!» акциясына тоқталып, қала көшелерінде қауіпсіздік пен жолда жүру ережелерін сақтауға шақырды. Сонымен қатар кәмелеттік жасқа толмағандар арасында қылмыстың көбейгендігіне тоқталып, жүргізіліп жатқан алдын алу шараларына тоқталды. Түнгі уақытта үйден тыс жерлерде кәмелетке толмағандарды анықтауға бағытталған рейдтік алдын алу шаралары үнемі жүргізілетіндігін, анықталған тәртіп бұзушылық фактілері бойынша кәмелетке толмағандардың ата-аналары немесе заңды өкілдері жауапкершілікке тартылатындығын ескертті. Хромтау ауданының ТЖБ бас маманы Оразалин Әділет төтенше жағдайлар департаментінің дерегінше балалардың отпен ойнауы, үлкендердің балаларды қараусыз қалдыруы салдарынан жыл сайын өрт оқиғасы белең алып келе жатқандығына тоқталып, жазатайым жағдайларды болдырмау үшін білім алушыларды қарапайым ережелерді сақтауға шақырды. Гимназия директоры Мукашева Гүлмараш Орынбасарқызы білім алушылармен жүргізілген бірқатар жұмыстарға тоқталып, келген қонақтарға алғысын білдірді. толығырақ