ҚҰТТЫҚТАЙМЫЗ!!!
ҚҰТТЫҚТАЙМЫЗ !!!
Қазақстан Республикасы Білім және ғылым министрлігінің «2015-2016 оқу жылындағы жалпы білім беретін пәндер бойынша республикалық олимпиаданы өткізу туралы» 2015 жылғы 21 қыркүйектегі №565 бұйрығына сәйкес олимпиада қоғамдық-гуманитарлық бағыты бойынша 2016 жылғы 25-28 наурыз аралығында Петропавл қаласында өткізілді.
Олимпиаданың негізгі мақсаты – оқушылардың шығармашылық қабілеттерін дамыту, теориялық білімі мен практикалық дағдыларын тереңдету, тұлғаны өзін өзі қалыптастыруға ықпал ету, дарынды балаларды анықтау үшін қажетті жағдайлар жасау, оқушыларды халықаралық олимпиадаларға қатыстыру үшін іріктеу мен дайындау және Қазақстан Республикасында білім алудың беделін арттыру.
Петропавл қаласында өткен республикалық олимпиаданың қоғамдық-гуманитарлық бағыты бойынша қорытынды кезеңінде қазылар алқасының шешімімен ІІ дәрежелі димпломмен №6 Хромтау гимназиясының 10- сынып оқушысы Абубакиров Олжас Дидарович марапатталды. Пәндік олимпиадаға сапалы дайындаған еңбегі үшін жетекшісі Карагулова Дамира Кереевнаға алғыс жариялансын!
Лайықты олжамен оралған Олжасқа мықты денсаулық, ұзақ та бақытты ғұмыр, талмас талап, жігерлі жастық тілейміз. Шығармашылық биігінен көрініп, еліміздің ардақты ұлы болуыңа тілектеспіз.
Гимназия әкімшілігі